Ранг схемаси

Нукуслик Нурилла бобога байрам совғалари топширилди


07.05.2018

Қорақалпоғистон Республикаси Жўқорғи Кенгеси Раиси М.Ерниязов 9 май – Хотира ва қадрлаш куни олдидан Нукус шаҳрида истиқомат қилувчи Иккинчи жаҳон уруши қатнашчиларининг хонадонида бўлиб, байрам совғаларини топширди. 

“Халқлар дўстлиги” маҳалла фуқаролар йиғинида яшовчи уруш ва меҳнат фахрийси Нурилла Абдуллаевга Президентимизнинг эсдалик совғаси – қўл соати, 5 миллион сўм миқдоридаги бир марталик пул мукофоти тантанали тарзда топширилди. Шунингдек, Нукус шаҳар ҳокимлиги, ҳуқуқни муҳофаза қилиш органлари, жамоат ташкилотлари номидан ҳам совғалар топширилди. 

– Биз, уруш қатнашчиларига кўрсатаётган ғамхўрлиги учун Президентимизга миннатдорлик билдираман, – дейди Нурилла ота. – Ҳеч қачон, ҳеч қаерда уруш бўлмасин, ёшлар доимо шундай тинч ва бахтли турмуш кечирсин. 

Бердақ номидаги Қорақалпоқ давлат академик мусиқа театри, Қорақалпоқ давлат ёш томошабинлар театри артистлари, санъат усталари ижросидаги уруш йиллари қўшиқлари тадбирга алоҳида завқ бағишлади. 

Шу куни Нукус шаҳри Абдулла Қодирий кўчасида яшовчи уруш фахрийси Қадирбой Нармановга Президентимиз номидан совғалар топширилди. 

10.jpg

 
12-faqat saytga.jpg

Манба

Жасорат ҳақида ёзиш

Сиз xotira.uz порталида яқинларингиз урушда кўрсатган жасорати ҳақида сўзлаб бериш имконига эгасиз. Биз биргаликда Иккинчи жаҳон урушида ватандошларимиз кўрсатган жасорати ҳақидаги хотирани сақлаб қоламиз ва келажак авлодга етказамиз.