Цветовая схема

Obloqul Mansurov


19.07.2017

 
Vatan tuyg`usini har bir inson o`zicha anglaydi. Uning taqdiri va kelajagiga daxldorlik tuyg`usi har bir yurtdoshimizning yuragida mustahkam joy olgan.Yurt tinchligi va osoyishtaligini saqlash yo`lida jonini fido qilgan insonlarni   yodga olish, ular xotirasiga hurmat bajo keltirish insoniy burchimizga aylangan. Bunday jasur shaxslar bugun oramizda bo`lmasa-da, ular sadoqat timsoli sifatida xalqimiz qalbida ibrat bo`lib qoladi. Insoniyat tarixida eng qirg`inbarot bo`lgan Ikkinchi jahon urushi tugaganiga  72  yil to`lyapti .Uning xalq xo`jaligiga yetkazgan oqibatlari allaqachon tugatilgan, ammo odamzod qalbida qoldirqan jarohati, asorati hamon bitgan emas. Ikkinchi jahon urushi boshlanganida yurtimizda  6,5 million xalq yashagan bo`lsa, shundan 1,5 milliondan ortig`i  urishda qatnashgan.Ularning 500 ming nafari o`zga o`lkalarda halok bo`lgani, yana qancha-qanchasi mayib-majruh bo`lib qaytgani, qanchasi bedarak yo`qolgani hisobga olinadigan bo`lsa, bu g`alaba xalqimiz uchun naqadar qimmatga tushgani yaqqol namoyon bo`ladi.
 Xalqimiz urush yillarida chinakam matonat va jasorat ko`rsatgan. O`zbekistonga bir millionga yaqin kishi evakuatsiya qilingan. Ularning  200 mingdan ziyodi bolalar bo`lgan. Yuzlab o`zbek oilalari bu bolalarni o`z panohiga olgan. Toshkentlik Shomahmudovlar oilasi 14  nafar, kattaqo`rg`onlik Samadovlar oilasi 12, buxorolik Jo`rayev va Asho`rxo`jayevlar oilasi  8  nafardan bolani o`z bag`rida olgan. Bunday misollarni yana ko`plab keltirish mumkin.
 Har gal oila davramizda bobomni eslasak yuragim faxr tuyg`usiga to`lib, suymolari ko`z oldimda gavdalanadi. Bobom-Obloqul Mansurov 1917-yil 24-aprel Samarqand tumanida  tug`ilgan.Tuman markazidagi maktabni bitirib, Kuybishev nomli kolxozda oddiy xo`jalik ishchisi bo`lib ishlagan.1937-yil harbiy xizmatga borib,1939-yil Finlandiya urishiga qatnashgan.1940-yil urushdan qaytib, xo`jalikda  “Komsomol” tashkilotining kotibi  bo`lgan. 1941-yil birinchilar qatori Ikkinchi jahon urushiga borgan. Minskdan Smolenskgacha shiddatli janglarda qatnashib, uch marotaba yarador bo`lgan va 1943-yil urushdan qaytib kelgan. Bobom Obloqul Mansurov  “Jasorat uchun” medal va Ulug` Vatan urushi” ordenlari bilan mukofotlangan. Shu og`ir yillarda Kuybishev nomli kolxozda xo`jalik boshqaruv raisi vazifasida ish boshlagan .Bobom  20 yillik raislik davrida Yangi ariq massivida  200 gektar  tokzor, 200 gektar bog`lar barpo etgan va qoloq xo`jalikni nihoyatda qudratli, boy xo`jalikka aylantirgan. Moskvadagi Xalqaro ko`rgazmaga ko`p marotaba qatnashib,  I,II,III darajali Xalqaro ko`rgazma g`olibi, ulkan xizmatlari uchun  “Hurmat belgisi”, “Mehnat qizil bayroq”  orden, medal, va diplomlar sohibi bo`lganlar. Xo`jalik hududida katta majlislar zali, idora, bolalar bog`chasi, maktablar (hozirgi 16,17,19,5,42)binolari shu kishining tashabbusi va rahbarligida qurilgan. Hozirda Samarqand tumanidagi “Gulbog`” mahallasining bosh ko`chasi Darg`om kanaligacha Obloqul Mansurov nomiga atab qo`yilgan.
  Bobom Sarvar buvim bilan 8 nafar farzandni oliy ma`lumotli qilib tarbiyaladilar. 25 nafar nevara, 50 dan ortiq chevaralari “Xotira va qadrlash” kunida bobo va buvimizni yodga olib, qabrlarini ziyorat qildik.
  Har yili mamlakatimizda 9 may-Xotira va qadrlash kuni umumxalq bayrami sifatida keng nishonlanadi. “9 may-Xotira va qadrlash” kuni bu yil mamlakatimiz bo`ylab o`zgacha ruhda nishonlanmoqda. Davlatimiz rahbari Shavkat Mirziyoyevning joriy yil 4 apreldagi “Ikkinchi jahon urushi qatnashchilarini rag`batlantirish to`g`risida”gi farmoni hamda ”Xotira va Qadrlash kuniga tayorgarlik ko`rish va uni o`tkazish chora-tadbirlari to`g`risida”gi qarorida urush qatnashchilari holidan xabar olish, yurt tinchligi va ozodligi yo`lida jon fido qilgan yurtdoshlarimiz xotirasini yod etishdek ezgu maqsadlar mujassam. Ushbu hujjatlar ijrosi yuzasidan Ikkinchi jahon urushi qatnashchilarining har biriga Prezidentimiz tabrigi, 2 million so`mdan pul mukofoti, navbatsiz mashina olish uchun sertifikat topshirildi, ehtiyojmandlarga uy berildi. O`zbekiston Respublikasi Madaniyat vazirligi, Mudofaa vazirligi, Ichki ishlar vazirligi, Xotin-qizlar ko`mitasi, ”Kamolot” yoshlar ijtimoiy harakati, Badiiy akademiya, Respublika Ma`naviyat targ`ibot markazi, ”Nuroniy” jamg`armasi, ”Mahalla” xayriya jamoat fondi va boshqa tashkilotlar bilan birgalikda Vatanimiz ozodligi himoyachilariga bag`ishlangan uchrashuvlar va ma`rifiy-badiiy kechalar o`tkaziladi. “Xotira va qadrlash” kuni viloyatimizda ham keng nishonlanmoqda. 132 nafar urush qatnashchilari, 6514 nafar front orti mehnat faxriylari pul mukofotlari, oziq-ovqat mahsulotlari, dori-darmonlar bilan ta`minlandi. Urush qatnashchilarining barchasiga yurtimizda ishlab chiqarilgan avtomashinalarni navbatsiz xarid qilish uchun sertifikatlar topshirildi. Shu kunigacha viloyatmizdagi urush faxriylarining 60 nafari avtomashina sohibi bo`lgan bo`lsa, 6 nafarining uyi ta`mirlandi.Tadbirlar davomida viloyatimizdan 46 874 nafar o`zga o`lkalarda halok bo`lgan yoki bedarak yo`qolgan askarlar yodga olindi.
                    Xotira
Xotira-mukarram, xotira-aziz
Unda do`stu yorlar yodi jamul-jam
Ba`zan tuyuladi xotiralarga
Suyanib turganday bu ko`hna olam.
Dilga yashar ekan o`tganlar yodi
Hayiqmay oshamiz dovondan-dovon
Qalbingdan guldasta yasa ularga
Seni xotiralar asraydi omon.

Рассказать о подвиге

У Вас есть возможность рассказать о подвиге Ваших родственников на портале xotira.uz. Действуя сообща, мы сохраняем в памяти подробности о подвигах наших соотечественников во Второй Мировой войне!